ಅಧ್ಯಾಯ - ೧೨ [12]

 
श्रीमद्भगवद्गीता
ಶ್ರೀಮದ್ಭಗವದ್ಗೀತಾ
द्वादशोऽध्यायः
ದ್ವಾದಶೋಧ್ಯಾಯಃ
भक्तियोगः
ಭಕ್ತಿಯೊಗಃ

12-01
अर्जुन  उवाच
एवं सततयुक्ता ये   भक्तास्त्वां पर्युपासते ।
येचाप्यक्षरमव्यक्तं   तेषां के योगवित्तमाः ॥ १२-१
ಅರ್ಜುನ ಉವಾಚ
ಏವಂ ಸತತಯುಕ್ತಾ ಯೇ    ಭಕ್ತಾಸ್ತ್ವಾಂ ಪರ್ಯುಪಾಸತೇ
ಯೇಚಾಪ್ಯಕ್ಷರಮವ್ಯಕ್ತಂ    ತೇಷಾಂ ಕೇ ಯೋಗವಿತ್ತಮಾಃ 12.1
 
12-02
श्रीभगवानुवाच
मय्यावेश्य मनो ये मां   नित्ययुक्ता उपासते ।
श्रद्धया परयोपेताः   ते मे युक्ततमा मताः ॥ १२-२
ಶ್ರೀ ಭಗವಾನುವಾಚ
ಮಯ್ಯಾವೇಶ್ಯ ಮನೋ ಯೇ ಮಾಂ    ನಿತ್ಯಯುಕ್ತಾ ಉಪಾಸತೇ
ಶ್ರದ್ಧಯಾ ಪರಯೋಪೇತಾಃ   ತೇ ಮೇ ಯುಕ್ತತಮಾ ಮತಾಃ 12.2
 
12-03
ये त्वक्षरमनिर्देश्यम्   अव्यक्तं पर्युपासते ।
सर्वत्रगमचिन्त्यं च   कूटस्थमचलं ध्रुवम् ॥ १२-३
ಯೇ ತ್ವಕ್ಷರಮನಿರ್ದೇಶ್ಯಮ್   ಅವ್ಯಕ್ತಂ ಪರ್ಯುಪಾಸತೇ
ಸರ್ವತ್ರಗಮಚಿನ್ತ್ಯಂ ಚ    ಕೂಟಸ್ಥಮಚಲಂ ಧ್ರುವಮ್ 12.3
 
12-04
संनियम्येन्द्रियग्रामं   सर्वत्र समबुद्धयः ।
ते प्राप्नुवन्ति मामेव   सर्वभूतहिते रताः ॥ १२-४
ಸಂನಿಯಮ್ಯೇನ್ದ್ರಿಯಗ್ರಾಮಂ    ಸರ್ವತ್ರ ಸಮಬುದ್ಧಯಃ
ತೇ ಪ್ರಾಪ್ನುವನ್ತಿ ಮಾಮೇವ    ಸರ್ವಭೂತಹಿತೇ ರತಾಃ 12.4
 
12-05
क्लेशोऽधिकतरस्तेषाम्   अव्यक्तासक्तचेतसाम् ।
अव्यक्ता हि गतिर्दुःखं   देहवद्भिरवाप्यते ॥ १२-५
ಕ್ಲೇಶೋಧಿಕತರಸ್ತೇಷಾಮ್   ಅವ್ಯಕ್ತಾಸಕ್ತಚೇತಸಾಮ್
ಅವ್ಯಕ್ತಾ ಹಿ ಗತಿರ್ದುಃಖಂ    ದೇಹವದ್ಭಿರವಾಪ್ಯತೇ 12.5
 
12-06
ये तु सर्वाणि कर्माणि   मयि संन्यस्य मत्पराः ।
अनन्येनैव योगेन   मां ध्यायन्त उपासते ॥ १२-६
ಯೇ ತು ಸರ್ವಾಣಿ ಕರ್ಮಾಣಿ    ಮಯಿ ಸಂನ್ಯಸ್ಯ ಮತ್ಪರಾಃ
ಅನನ್ಯೇನೈವ ಯೋಗೇನ    ಮಾಂ ಧ್ಯಾಯನ್ತ ಉಪಾಸತೇ 12.6
 
12-07
तेषामहं समुद्धर्ता   मृत्युसंसारसागरात् ।
भवामि नचिरात्पार्थ   मय्यावेशितचेतसाम् ॥ १२-७
ತೇಷಾಮಹಂ ಸಮುದ್ಧರ್ತಾ    ಮೃತ್ಯುಸಂಸಾರಸಾಗರಾತ್
ಭವಾಮಿ ನಚಿರಾತ್ಪಾರ್ಥ    ಮಯ್ಯಾವೇಶಿತಚೇತಸಾಮ್ 12.7
 
12-08
मय्येव मन आधत्स्व   मयि बुद्धिं निवेशय ।
निवसिष्यसि मय्येव   अत ऊर्ध्वं न संशयः ॥ १२-८
ಮಯ್ಯೇವ ಮನ ಆಧತ್ಸ್ವ    ಮಯಿ ಬುದ್ಧಿಂ ನಿವೇಶಯ
ನಿವಸಿಷ್ಯಸಿ ಮಯ್ಯೇವ    ಅತ ಊರ್ಧ್ವಂ ನ ಸಂಶಯಃ 12.8
 
12-09
अथ चित्तं समाधातुं   न शक्नोषि मयि स्थिरम् ।
अभ्यासयोगेन ततः   मामिच्छाप्तुं धनञ्जय ॥ १२-९
ಅಥ ಚಿತ್ತಂ ಸಮಾಧಾತುಂ    ನ ಶಕ್ನೋಷಿ ಮಯಿ ಸ್ಥಿರಮ್
ಅಭ್ಯಾಸಯೋಗೇನ ತತಃ    ಮಾಮಿಚ್ಛಾಪ್ತುಂ ಧನಞ್ಜಯ 12.9
 
12-10
अभ्यासेऽप्यसमर्थोऽसि   मत्कर्मपरमो भव ।
मदर्थमपि कर्माणि   कुर्वन् सिद्धिमवाप्स्यसि ॥ १२-१०
ಅಭ್ಯಾಸೇಪ್ಯಸಮರ್ಥೋಸಿ    ಮತ್ಕರ್ಮಪರಮೋ ಭವ
ಮದರ್ಥಮಪಿ ಕರ್ಮಾಣಿ    ಕುರ್ವನ್ ಸಿದ್ಧಿಮವಾಪ್ಸ್ಯಸಿ 12.10

12-11
अथैतदप्यशक्तोऽसि   कर्तुं मद्योगमाश्रितः ।
सर्वकर्मफलत्यागं   ततः कुरु यतात्मवान् ॥ १२-११
ಅಥೈತದಪ್ಯಶಕ್ತೋಸಿ    ಕರ್ತುಂ ಮದ್ಯೋಗಮಾಶ್ರಿತಃ
ಸರ್ವಕರ್ಮಫಲತ್ಯಾಗಂ    ತತಃ ಕುರು ಯತಾತ್ಮವಾನ್ 12.11
 
12-12
श्रेयो हि ज्ञानमभ्यासात्   ज्ञानाद्ध्यानं विशिष्यते ।
ध्यानात्कर्मफलत्यागः   त्यागाच्छान्तिरनन्तरम् ॥ १२-१२
ಶ್ರೇಯೋ ಹಿ ಜ್ಞಾನಮಭ್ಯಾಸಾತ್   ಜ್ಞಾನಾದ್ಧ್ಯಾನಂ ವಿಶಿಷ್ಯತೇ
ಧ್ಯಾನಾತ್ಕರ್ಮಫಲತ್ಯಾಗಃ   ತ್ಯಾಗಾಚ್ಛಾನ್ತಿರನನ್ತರಮ್ 12.12
 
12-13
अद्वेष्टा सर्वभूतानां   मैत्रः करुण एव च ।
निर्ममो निरहङ्कारः   समदुःखसुखः क्षमी ॥ १२-१३
ಅದ್ವೇಷ್ಟಾ ಸರ್ವಭೂತಾನಾಂ    ಮೈತ್ರಃ ಕರುಣ ಏವ ಚ
ನಿರ್ಮಮೋ ನಿರಹಙ್ಕಾರಃ    ಸಮದುಃಖಸುಖಃ ಕ್ಷಮೀ 12.13
 
12-14
सन्तुष्टः सततं योगी   यतात्मा दृढनिश्चयः ।
मय्यर्पितमनोबुद्धिः   यो मद्भक्तः स मे प्रियः ॥ १२-१४
ಸನ್ತುಷ್ಟಃ ಸತತಂ ಯೋಗೀ    ಯತಾತ್ಮಾ ದೃಢನಿಶ್ಚಯಃ
ಮಯ್ಯರ್ಪಿತಮನೋಬುದ್ಧಿಃ   ಯೋ ಮದ್ಭಕ್ತಃ ಸ ಮೇ ಪ್ರಿಯಃ 12.14
 
12-15
यस्मान्नोद्विजते लोकः   लोकान्नोद्विजते च यः ।
हर्षामर्षभयोद्वेगैः   मुक्तो यः स च मे प्रियः ॥ १२-१५
ಯಸ್ಮಾನ್ನೋದ್ವಿಜತೇ ಲೋಕಃ    ಲೋಕಾನ್ನೋದ್ವಿಜತೇ ಚ ಯಃ
ಹರ್ಷಾಮರ್ಷಭಯೋದ್ವೇಗೈಃ   ಮುಕ್ತೋ ಯಃ ಸ ಚ ಮೇ ಪ್ರಿಯಃ 12.15
 
12-16
अनपेक्षः शुचिर्दक्षः   उदासीनो गतव्यथः ।
सर्वारम्भपरित्यागी   यो मद्भक्तः स मे प्रियः ॥ १२-१६
ಅನಪೇಕ್ಷಃ ಶುಚಿರ್ದಕ್ಷಃ   ಉದಾಸೀನೋ ಗತವ್ಯಥಃ
ಸರ್ವಾರಮ್ಭಪರಿತ್ಯಾಗೀ    ಯೋ ಮದ್ಭಕ್ತಃ ಸ ಮೇ ಪ್ರಿಯಃ 12.16
 
12-17
यो न हृष्यति न द्वेष्टि   न शोचति न काङ्क्षति ।
शुभाशुभपरित्यागी   भक्तिमान्यः स मे प्रियः ॥ १२-१७
ಯೋ ನ ಹೃಷ್ಯತಿ ನ ದ್ವೇಷ್ಟಿ    ನ ಶೋಚತಿ ನ ಕಾಙ್ಕ್ಷತಿ
ಶುಭಾಶುಭಪರಿತ್ಯಾಗೀ    ಭಕ್ತಿಮಾನ್ಯಃ ಸ ಮೇ ಪ್ರಿಯಃ 12.17
 
12-18
समः शत्रौ च मित्रे च   तथा मानापमानयोः ।
शीतोष्णसुखदुःखेषु   समः सङ्गविवर्जितः ॥ १२-१८
ಸಮಃ ಶತ್ರೌ ಚ ಮಿತ್ರೇ ಚ    ತಥಾ ಮಾನಾಪಮಾನಯೋಃ
ಶೀತೋಷ್ಣಸುಖದುಃಖೇಷು    ಸಮಃ ಸಙ್ಗವಿವರ್ಜಿತಃ 12.18
 
12-19
तुल्यनिन्दास्तुतिर्मौनी   सन्तुष्टो येनकेनचित् ।
अनिकेतः स्थिरमतिः   भक्तिमान्मे प्रियो नरः ॥ १२-१९
ತುಲ್ಯನಿನ್ದಾಸ್ತುತಿರ್ಮೌನೀ    ಸನ್ತುಷ್ಟೋ ಯೇನಕೇನಚಿತ್
ಅನಿಕೇತಃ ಸ್ಥಿರಮತಿಃ   ಭಕ್ತಿಮಾನ್ಮೇ ಪ್ರಿಯೋ ನರಃ 12.19
 
12-20
ये तु धर्म्यामृतमिदं   यथोक्तं पर्युपासते ।
श्रद्दधाना मत्परमाः   भक्तास्तेऽतीव मे प्रियाः ॥ १२-२०
ಯೇ ತು ಧರ್ಮ್ಯಾಮೃತಮಿದಂ    ಯಥೋಕ್ತಂ ಪರ್ಯುಪಾಸತೇ
ಶ್ರದ್ದಧಾನಾ ಮತ್ಪರಮಾಃ   ಭಕ್ತಾಸ್ತೇತೀವ ಮೇ ಪ್ರಿಯಾಃ 12.20
 
 
ॐ तत्सदिति श्रीमद्भगवद्गीतासूपनिषत्सु ब्रह्मविद्यायां योगशास्त्रे
श्रीकृष्णार्जुनसंवादे भक्तियोगो नाम द्वादशोऽध्यायः
ಓಂ ತತ್ಸದಿತಿ ಶ್ರೀಮದ್ಭಗವದ್ಗೀತಾಸು ಉಪನಿಷತ್ಸು ಬ್ರಹ್ಮವಿದ್ಯಾಯಾಂ ಯೋಗಶಾಸ್ತ್ರೇ
ಶ್ರೀಕ್ರಷ್ಣರ್ಜುನ ಸಂವಾದೆ ಭಕ್ತಿ ಯೊಗೊ ನಾಮ ದ್ವಾದಶೋಧ್ಯಾಯಃ