ಅಧ್ಯಾಯ - ೦೯ [09]

 
श्रीमद्भगवद्गीता
ಶ್ರೀಮದ್ಭಗವದ್ಗೀತಾ
नवमोऽध्यायः     
ನವಮೋಧ್ಯಾಯಹಃ
राजविद्याराजगुह्ययोगः
ರಾಜವಿದ್ಯಾರಾಜಗುಹ್ಯಯೊಗಃ

09-01
श्रीभगवानुवाच
इदं तु ते गुह्यतमं   प्रवक्ष्याम्यनसूयवे ।
ज्ञानं विज्ञानसहितं   यज्ज्ञात्वा मोक्ष्यसेऽशुभात् ॥ ९-१
ಶ್ರೀ ಭಗವಾನುವಾಚ
ಇದಂ ತು ತೇ ಗುಹ್ಯತಮಂ   ಪ್ರವಕ್ಷ್ಯಾಮ್ಯನಸೂಯವೇ
ಜ್ಞಾನಂ ವಿಜ್ಞಾನಸಹಿತಂ   ಯಜ್ ಜ್ಞಾತ್ವಾ ಮೋಕ್ಷ್ಯಸೇಶುಭಾತ್ 9.1

09-02
राजविद्या राजगुह्यं   पवित्रमिदमुत्तमम् ।
प्रत्यक्षावगमं धर्म्यं   सुसुखं कर्तुमव्ययम् ॥ ९-२
ರಾಜವಿದ್ಯಾ ರಾಜಗುಹ್ಯಂ    ಪವಿತ್ರಮಿದಮುತ್ತಮಮ್
ಪ್ರತ್ಯಕ್ಷಾವಗಮಂ ಧರ್ಮ್ಯಂ    ಸುಸುಖಂ ಕರ್ತುಮವ್ಯಯಮ್ 9.2
 
09-03
अश्रद्दधानाः पुरुषाः   धर्मस्यास्य परन्तप ।
अप्राप्य मां निवर्तन्ते   मृत्युसंसारवर्त्मनि ॥ ९-३
ಅಶ್ರದ್ದಧಾನಾಃ ಪುರುಷಾಃ    ಧರ್ಮಸ್ಯಾಸ್ಯ ಪರನ್ತಪ
ಅಪ್ರಾಪ್ಯ ಮಾಂ ನಿವರ್ತನ್ತೇ    ಮೃತ್ಯುಸಂಸಾರವರ್ತ್ಮನಿ 9.3
 
09-04
मया ततमिदं सर्वं   जगदव्यक्तमूर्तिना ।
मत्स्थानि सर्वभूतानि   न चाहं तेष्ववस्थितः ॥ ९-४
ಮಯಾ ತತಮಿದಂ ಸರ್ವಂ    ಜಗದವ್ಯಕ್ತಮೂರ್ತಿನಾ
ಮತ್ಸ್ಥಾನಿ ಸರ್ವಭೂತಾನಿ    ನ ಚಾಹಂ ತೇಷ್ವವಸ್ಥಿತಃ 9.4
 
09-05
न च मत्स्थानि भूतानि   पश्य मे योगमैश्वरम् ।
भूतभृन्न च भूतस्थः   ममात्मा भूतभावनः ॥ ९-५
ನ ಚ ಮತ್ಸ್ಥಾನಿ ಭೂತಾನಿ    ಪಶ್ಯ ಮೇ ಯೋಗಮೈಶ್ವರಮ್
ಭೂತಭೃನ್ನ ಚ ಭೂತಸ್ಥಃ    ಮಮಾತ್ಮಾ ಭೂತಭಾವನಃ 9.5
 
09-06
यथाऽकाशस्थितो नित्यं   वायुः सर्वत्रगो महान् ।
तथा सर्वाणि भूतानि   मत्स्थानीत्युपधारय ॥ ९-६
ಯಥಾಕಾಶಸ್ಥಿತೋ ನಿತ್ಯಂ    ವಾಯುಃ ಸರ್ವತ್ರಗೋ ಮಹಾನ್
ತಥಾ ಸರ್ವಾಣಿ ಭೂತಾನಿ    ಮತ್ಸ್ಥಾನೀತ್ಯುಪಧಾರಯ 9.6
 
09-07
सर्वभूतानि कौन्तेय   प्रकृतिं यान्ति मामिकाम् ।
कल्पक्षये पुनस्तानि   कल्पादौ विसृजाम्यहम् ॥ ९-७
ಸರ್ವಭೂತಾನಿ ಕೌನ್ತೇಯ    ಪ್ರಕೃತಿಂ ಯಾನ್ತಿ ಮಾಮಿಕಾಮ್
ಕಲ್ಪಕ್ಷಯೇ ಪುನಸ್ತಾನಿ    ಕಲ್ಪಾದೌ ವಿಸೃಜಾಮ್ಯಹಮ್ 9.7
 
09-08
प्रकृतिं स्वामवष्टभ्य   विसृजामि पुनः पुनः ।
भूतग्राममिमं कृत्स्नम्   अवशं प्रकृतेर्वशात् ॥ ९-८
ಪ್ರಕೃತಿಂ ಸ್ವಾಮವಷ್ಟಭ್ಯ    ವಿಸೃಜಾಮಿ ಪುನಃ ಪುನಃ
ಭೂತಗ್ರಾಮಮಿಮಂ ಕೃತ್ಸ್ನಮ್   ಅವಶಂ ಪ್ರಕೃತೇರ್ವಶಾತ್ 9.8
 
09-09
न च मां तानि कर्माणि   निबध्नन्ति धनञ्जय ।
उदासीनवदासीनम्   असक्तं तेषु कर्मसु ॥ ९-९
ನ ಚ ಮಾಂ ತಾನಿ ಕರ್ಮಾಣಿ    ನಿಬಧ್ನನ್ತಿ ಧನಞ್ಜಯ
ಉದಾಸೀನವದಾಸೀನಮ್   ಅಸಕ್ತಂ ತೇಷು ಕರ್ಮಸು 9.9
 
09-10
मयाऽध्यक्षेण प्रकृतिः   सूयते सचराचरम् ।
हेतुनाऽनेन कौन्तेय   जगद्विपरिवर्तते ॥ ९-१०
ಮಯಾಧ್ಯಕ್ಷೇಣ ಪ್ರಕೃತಿಃ    ಸೂಯತೇ ಸಚರಾಚರಮ್
ಹೇತುನಾನೇನ ಕೌನ್ತೇಯ    ಜಗದ್ವಿಪರಿವರ್ತತೇ 9.10
 
09-11
अवजानन्ति मां मूढाः   मानुषीं तनुमाश्रितम् ।
परं भावमजानन्तः   मम भूतमहेश्वरम् ॥ ९-११
ಅವಜಾನನ್ತಿ ಮಾಂ ಮೂಢಾಃ   ಮಾನುಷೀಂ ತನುಮಾಶ್ರಿತಮ್
ಪರಂ ಭಾವಮಜಾನನ್ತಃ    ಮಮ ಭೂತಮಹೇಶ್ವರಮ್ 9.11
 
09-12
मोघाशा मोघकर्माणः   मोघज्ञाना विचेतसः ।
राक्षसीमासुरीं चैव   प्रकृतिं मोहिनीं श्रिताः ॥ ९-१२
ಮೋಘಾಶಾ ಮೋಘಕರ್ಮಾಣಃ    ಮೋಘಜ್ಞಾನಾ ವಿಚೇತಸಃ
ರಾಕ್ಷಸೀಮಾಸುರೀಂ ಚೈವ    ಪ್ರಕೃತಿಂ ಮೋಹಿನೀಂ ಶ್ರಿತಾಃ 9.12
 
09-13
महात्मानस्तु मां पार्थ   दैवीं प्रकृतिमाश्रिताः ।
भजन्त्यनन्यमनसः  ज्ञात्वा भूतादिमव्ययम् ॥ ९-१३
ಮಹಾತ್ಮಾನಸ್ತು ಮಾಂ ಪಾರ್ಥ    ದೈವೀಂ ಪ್ರಕೃತಿಮಾಶ್ರಿತಾಃ
ಭಜನ್ತ್ಯನನ್ಯಮನಸಃ   ಜ್ಞಾತ್ವಾ ಭೂತಾದಿಮವ್ಯಯಮ್ 9.13
 
09-14
सततं कीर्तयन्तो मां   यतन्तश्च दृढव्रताः ।
नमस्यन्तश्च मां भक्त्या   नित्ययुक्ता उपासते ॥ ९-१४
ಸತತಂ ಕೀರ್ತಯನ್ತೋ ಮಾಂ    ಯತನ್ತಶ್ಚ ದೃಢವ್ರತಾಃ
ನಮಸ್ಯನ್ತಶ್ಚ ಮಾಂ ಭಕ್ತ್ಯಾ    ನಿತ್ಯಯುಕ್ತಾ ಉಪಾಸತೇ 9.14
 
09-15
ज्ञानयज्ञेन चाप्यन्ये   यजन्तो मामुपासते ।
एकत्वेन पृथक्त्वेन   बहुधा विश्वतोमुखम् ॥ ९-१५
ಜ್ಞಾನಯಜ್ಞೇನ ಚಾಪ್ಯನ್ಯೇ    ಯಜನ್ತೋ ಮಾಮುಪಾಸತೇ
ಏಕತ್ವೇನ ಪೃಥಕ್ತ್ವೇನ    ಬಹುಧಾ ವಿಶ್ವತೋಮುಖಮ್ 9.15

09-16
अहं क्रतुरहं यज्ञः   स्वधाऽहमहमौषधम् ।
मंत्रोऽहमहमेवाज्यम्   अहमग्निरहं हुतम् ॥ ९-१६
ಅಹಂ ಕ್ರತುರಹಂ ಯಜ್ಞಃ    ಸ್ವಧಾಹಮಹಮೌಷಧಮ್
ಮಂತ್ರೋಹಮಹಮೇವಾಜ್ಯಮ್   ಅಹಮಗ್ನಿರಹಂ ಹುತಮ್ 9.16
 
09-17
पिताऽहमस्य जगतः   माता धाता पितामहः ।
वेद्यं पवित्रमोंकारः   ऋक् साम यजुरेव च ॥ ९-१७
ಪಿತಾಹಮಸ್ಯ ಜಗತಃ    ಮಾತಾ ಧಾತಾ ಪಿತಾಮಹಃ
ವೇದ್ಯಂ ಪವಿತ್ರಮೋಂಕಾರಃ    ಋಕ್ ಸಾಮ ಯಜುರೇವ ಚ 9.17
 
09-18
गतिर्भर्ता प्रभुः साक्षी   निवासः शरणं सुहृत् ।
प्रभवः प्रलयः स्थानं   निधानं बीजमव्ययम् ॥ ९-१८
ಗತಿರ್ಭರ್ತಾ ಪ್ರಭುಃ ಸಾಕ್ಷೀ    ನಿವಾಸಃ ಶರಣಂ ಸುಹೃತ್
ಪ್ರಭವಃ ಪ್ರಲಯಃ ಸ್ಥಾನಂ    ನಿಧಾನಂ ಬೀಜಮವ್ಯಯಮ್ 9.18
 
09-19
तपाम्यहमहं वर्षं   निगृह्णाम्युत्सृजामि च ।
अमृतं चैव मृत्युश्च   सदसच्चाहमर्जुन ॥ ९-१९
ತಪಾಮ್ಯಹಮಹಂ ವರ್ಷಂ    ನಿಗೃಹ್ಣಾಮ್ಯುತ್ಸೃಜಾಮಿ ಚ
ಅಮೃತಂ ಚೈವ ಮೃತ್ಯುಶ್ಚ    ಸದಸಚ್ಚಾಹಮರ್ಜುನ 9.19
 
09-20
त्रैविद्या मां सोमपाः पूतपापाः   यज्ञैरिष्ट्वा स्वर्गतिं प्रार्थयन्ते ।
ते पुण्यमासाद्य सुरेन्द्रलोकम्    अश्नन्ति दिव्यान्दिवि देवभोगान् ॥ ९-२०
ತ್ರೈವಿದ್ಯಾ ಮಾಂ ಸೋಮಪಾಃ ಪೂತಪಾಪಾಃ   ಯಜ್ಞೈರಿಷ್ಟ್ವಾ ಸ್ವರ್ಗತಿಂ ಪ್ರಾರ್ಥಯನ್ತೇ
ತೇ ಪುಣ್ಯಮಾಸಾದ್ಯ ಸುರೇನ್ದ್ರಲೋಕಮ್   ಅಶ್ನನ್ತಿ ದಿವ್ಯಾನ್ದಿವಿ ದೇವಭೋಗಾನ್ 9.20
 
09-21
ते तं भुक्त्वा स्वर्गलोकं विशालं   क्षीणे पुण्ये मर्त्यलोकं विशन्ति ।
एव त्रयीधर्ममनुप्रपन्नाः   गतागतं कामकामा लभन्ते ॥ ९-२१
ತೇ ತಂ ಭುಕ್ತ್ವಾ ಸ್ವರ್ಗಲೋಕಂ ವಿಶಾಲಂ   ಕ್ಷೀಣೇ ಪುಣ್ಯೇ ಮರ್ತ್ಯಲೋಕಂ ವಿಶನ್ತಿ
ಏವ ತ್ರಯೀಧರ್ಮಮನುಪ್ರಪನ್ನಾಃ   ಗತಾಗತಂ ಕಾಮಕಾಮಾ ಲಭನ್ತೇ 9.21
 
09-22
अनन्याश्चिन्तयन्तो मां   ये जनाः पर्युपासते ।
तेषां नित्याभियुक्तानां   योगक्षेमं वहाम्यहम् ॥ ९-२२
ಅನನ್ಯಾಶ್ಚಿನ್ತಯನ್ತೋ ಮಾಂ    ಯೇ ಜನಾಃ ಪರ್ಯುಪಾಸತೇ
ತೇಷಾಂ ನಿತ್ಯಾಭಿಯುಕ್ತಾನಾಂ    ಯೋಗಕ್ಷೇಮಂ ವಹಾಮ್ಯಹಮ್ 9.22
 
09-23
येऽप्यन्यदेवता भक्ताः   यजन्ते श्रद्धयाऽन्विताः ।
तेऽपि मामेव कौन्तेय   यजन्त्यविधिपूर्वकम् ॥ ९-२३
ಯೇಪ್ಯನ್ಯದೇವತಾ ಭಕ್ತಾಃ    ಯಜನ್ತೇ ಶ್ರದ್ಧಯಾನ್ವಿತಾಃ
ತೇಪಿ ಮಾಮೇವ ಕೌನ್ತೇಯ    ಯಜನ್ತ್ಯವಿಧಿಪೂರ್ವಕಮ್ 9.23
 
09-24
अहं हि सर्वयज्ञानां   भोक्ता च प्रभुरेव च ।
न तु मामभिजानन्ति   तत्त्वेनातश्च्यवन्ति ते ॥ ९-२४
ಅಹಂ ಹಿ ಸರ್ವಯಜ್ಞಾನಾಂ    ಭೋಕ್ತಾ ಚ ಪ್ರಭುರೇವ ಚ
ನ ತು ಮಾಮಭಿಜಾನನ್ತಿ    ತತ್ತ್ವೇನಾತಶ್ಚ್ಯವನ್ತಿ ತೇ 9.24
 
09-25
यान्ति देवव्रता देवान्   पितृ़न्यान्ति पितृव्रताः ।
भूतानि यान्ति भूतेज्याः   यान्ति मद्याजिनोऽपि माम् ॥ ९-२५
ಯಾನ್ತಿ ದೇವವ್ರತಾ ದೇವಾನ್    ಪಿತೃನ್ಯಾನ್ತಿ ಪಿತೃವ್ರತಾಃ
ಭೂತಾನಿ ಯಾನ್ತಿ ಭೂತೇಜ್ಯಾಃ    ಯಾನ್ತಿ ಮದ್ಯಾಜಿನೋಪಿ ಮಾಮ್ 9.25

ದೇವತೆಗಳನ್ನು ಪೂಜಿಸುವವರು ಶರೀರ ಬಿಟ್ಟ ಮೇಲೆ ದೇವಲೋಕಕ್ಕೆ ಹೋಗುತ್ತಾರೆ, ಪೂರ್ವಜರನ್ನು ಪೂಜಿಸುವವರು ಪಿತೃಲೋಕಕ್ಕೆ ಹೋಗುತ್ತಾರೆ,  ಭೂತ ಪ್ರೇತಗಳನ್ನು ಪೂಜಿಸುವವರು ಭೂತ ಪ್ರೇತಗಳ ಲೋಕಕ್ಕೆ ಹೋಗುತ್ತಾರೆ, ಮತ್ತು ಪರಮಾತ್ಮನನ್ನು ಭಕ್ತಿಪೂರ್ವಕವಾಗಿ ಪೂಜಿಸುವವರು ಮುಕ್ತಿ ಪಡೆದು ಪರಮಾತ್ಮನಲ್ಲಿ ಹೋಗಿ ಸೇರುತ್ತಾರೆ.

 

      ಸಂಕ್ಷಿಪ್ತವಾಗಿ ಹೇಳುವುದಾದರೆ, ನಾವು ಯಾರನ್ನು ಪೂಜಿಸುತ್ತೇವೋ ಅವರನ್ನೇ ಪಡೆಯುತ್ತೇವೆ, ಅಂದರೆ ಅವರ ಲೋಕಕ್ಕೆ ಹೋಗುತ್ತೇವೆ.

      ಇಲ್ಲಿ ಹೇಳಿರುವ ಲೋಕಗಳ ಬಗ್ಗೆ ನಾವು ಕ್ರಮವಾಗಿ ನೋಡಿದರೆ, ಅವು ಈ ರೀತಿ ಇವೆ –

      1.    ಭೂಲೋಕ - ನಾವು ವಾಸಿಸುವ ಲೋಕ

      2.    ಭುವರ್ ಲೋಕ - ಭೂಮಿ ಮತ್ತು ಸ್ವರ್ಗದ ಮದ್ಯ ಇರುವ ಅಗ್ನಿ ಮತ್ತು ವಾಯು ದೇವತೆಗಳ ಲೋಕ.

      3.    ಸ್ವರ್ಗ ಲೋಕ - ಇಂದ್ರನ ಆಳ್ವಿಕೆಯ ದೇವ ಲೋಕ.

      4.    ಮಹಾ ಲೋಕ - ಉತ್ತಮ ಕರ್ಮ ಮಡಿದ ಆತ್ಮಗಳು ವಾಸಿಸುವ ಲೋಕ.

      5.    ಜನ ಲೋಕ - ಉನ್ನತ ಆಧ್ಯಾತ್ಮಿಕತೆಯ ಲೋಕ.  ಬ್ರಹ್ಮನ ಮಕ್ಕಳ ನೆಲೆ.

      6.    ತಪೋ ಲೋಕ - ತಪಸ್ವಿಗಳ ಮತ್ತು ಋಷಿಗಳ ಧ್ಯಾನದ ಲೋಕ.

      7.    ಸತ್ಯ ಲೋಕ - ಅತ್ಯುನ್ನತವಾದ ಬ್ರಹ್ಮ ಲೋಕ.

      ಇದೇ ರೀತಿ ಏಳು ಕೆಳಗಿನ ಲೋಕಗಳೂ ಇವೆ.

     1.    ಅತಳ ಲೋಕ: ಮಯನ ಮಗ ಬಾಲ ಆಳುವ ಸ್ಥಳ.

     2.    ವಿತಲ ಲೋಕ: ಶಿವನು ಹರ-ಭವನಾಗಿ ಆಳುವ ಸ್ಥಳ.

     3.    ಸುತಲ ಲೋಕ: ಬಲಿ ಮಹಾರಾಜನ ಲೋಕ.

     4.    ತಲಾತಲ ಲೋಕ: ಮಯನ ನೆಲೆ.

     5.    ಮಹಾತಲ ಲೋಕ: ನಾಗಗಳ (ಹಾವುಗಳ) ಲೋಕ.

     6.    ರಸಾತಳ ಲೋಕ: ದಾನವರು ಮತ್ತು ದೈತ್ಯರ ಸ್ಥಳ.

     7.    ಪಾತಾಳ ಲೋಕ: ನಾಗರಾಜ ವಾಸುಕಿಯ ಅಧಿಪತ್ಯದ ಅತ್ಯಂತ ಕೆಳಲೋಕ

      ಈ ಎಲ್ಲಾ ಹದಿನಾಲ್ಕು ಲೋಕಗಳೂ ಪರಮಾತ್ಮನ ವಿರಾಟರೂಪದ ಭಾಗಗಳಾಗಿವೆ. ಮತ್ತು ಈ ಲೋಕಗಳು ಮಾನವನ ಕರ್ಮಗಳ ಆಧಾರದ ಮೇಲೆ ವಿಭಜನೆಯಾಗಿವೆ, ಮತ್ತು ಪ್ರತಿಯೊಂದು ಲೋಕವೂ ಒಂದು ನಿರ್ದಿಷ್ಟ ಪ್ರಜ್ಞೆಯ ಮಟ್ಟವನ್ನು ಪ್ರತಿನಿಧಿಸುತ್ತದೆ.

 

      ಕೊನೆಗೆ ಒಟ್ಟಿಗೆ ಹೇಳುವುದಾದರೆ ನಮ್ಮ ಆರಾಧನೆಯ ಫಲಿತಾಂಶ ಆರಾಧನಾ ವಸ್ತುವನ್ನು ಅವಲಂಬಿಸಿರುತ್ತದೆ, ಆದರೆ ಪರಮಾತ್ಮನ ಕಡೆಗಿನ ನಿಷ್ಕಾಮ ಭಕ್ತಿ ಶಾಶ್ವತ ಮುಕ್ತಿಯನ್ನು ನೀಡಬಲ್ಲುದು.

      ಆದರೆ ಇಲ್ಲಿ ದೇವತೆಗಳನ್ನು, ಪೂರ್ವಜರನ್ನು, ಭೂತ ಪ್ರೇತಗಳನ್ನು ಪೂಜಿಸ ಬಾರದು ಎಂದು ಹೇಳಲಿಲ್ಲ, ಬದಲಿಗೆ ನಮ್ಮ ಗುರಿ ಸೀಮಿತ ಫಲಾನುಭವಗಳಿಗೆ ವಿನಿಯೋಗಿಸದೆ, ಪರಮ ಸತ್ಯವಾದ ಪರಮಾತ್ಮನನ್ನು ನಿಷ್ಕಾಮ ಭಕ್ತಿಯಿಂದ ಪೂಜಿಸಿ ಶಾಶ್ವತ ಮೋಕ್ಷವನ್ನು ಪಡೆಯಿರಿ ಎಂದು ಮಾರ್ಗದರ್ಶನ ನೀಡಲಾಗಿದೆ.

09-26
पत्रं पुष्पं फलं तोयं   यो मे भक्त्या प्रयच्छति ।
तदहं भक्त्युपहृतम्   अश्नामि प्रयतात्मनः ॥ ९-२६
ಪತ್ರಂ ಪುಷ್ಪಂ ಫಲಂ ತೋಯಂ    ಯೋ ಮೇ ಭಕ್ತ್ಯಾ ಪ್ರಯಚ್ಛತಿ
ತದಹಂ ಭಕ್ತ್ಯುಪಹೃತಮ್   ಅಶ್ನಾಮಿ ಪ್ರಯತಾತ್ಮನಃ 9.26
 
09-27
यत्करोषि यदश्नासि   यज्जुहोषि ददासि यत् ।
यत्तपस्यसि कौन्तेय   तत्कुरुष्व मदर्पणम् ॥ ९-२७
ಯತ್ಕರೋಷಿ ಯದಶ್ನಾಸಿ    ಯಜ್ಜುಹೋಷಿ ದದಾಸಿ ಯತ್
ಯತ್ತಪಸ್ಯಸಿ ಕೌನ್ತೇಯ    ತತ್ಕುರುಷ್ವ ಮದರ್ಪಣಮ್ 9.27
 
09-28
शुभाशुभफलैरेवं   मोक्ष्यसे कर्मबन्धनैः ।
संन्यासयोगयुक्तात्मा   विमुक्तो मामुपैष्यसि ॥ ९-२ ८
ಶುಭಾಶುಭಫಲೈರೇವಂ    ಮೋಕ್ಷ್ಯಸೇ ಕರ್ಮಬನ್ಧನೈಃ
ಸಂನ್ಯಾಸಯೋಗಯುಕ್ತಾತ್ಮಾ    ವಿಮುಕ್ತೋ ಮಾಮುಪೈಷ್ಯಸಿ 9.28
 
09-29
समोऽहं सर्वभूतेषु   न मे द्वेष्योऽस्ति न प्रियः ।
ये भजन्ति तु मां भक्त्या   मयि ते तेषु चाप्यहम् ॥ ९-२ ९
ಸಮೋಹಂ ಸರ್ವಭೂತೇಷು    ನ ಮೇ ದ್ವೇಷ್ಯೋಸ್ತಿ ನ ಪ್ರಿಯಃ
ಯೇ ಭಜನ್ತಿ ತು ಮಾಂ ಭಕ್ತ್ಯಾ    ಮಯಿ ತೇ ತೇಷು ಚಾಪ್ಯಹಮ್ 9.29
 
09-30
अपि चेत्सुदुराचारः   भजते मामनन्यभाक् ।
साधुरेव स मन्तव्यः   सम्यग्व्यवसितो हि सः ॥ ९-३०
ಅಪಿ ಚೇತ್ಸುದುರಾಚಾರಃ    ಭಜತೇ ಮಾಮನನ್ಯಭಾಕ್
ಸಾಧುರೇವ ಸ ಮನ್ತವ್ಯಃ    ಸಮ್ಯಗ್ವ್ಯವಸಿತೋ ಹಿ ಸಃ 9.30
 
09-31
क्षिप्रं भवति धर्मात्मा   शश्वच्छान्तिं निगच्छति ।
कौन्तेय प्रतिजानीहि   न मे भक्तः प्रणश्यति ॥ ९-३ १
ಕ್ಷಿಪ್ರಂ ಭವತಿ ಧರ್ಮಾತ್ಮಾ    ಶಶ್ವಚ್ಛಾನ್ತಿಂ ನಿಗಚ್ಛತಿ
ಕೌನ್ತೇಯ ಪ್ರತಿಜಾನೀಹಿ    ನ ಮೇ ಭಕ್ತಃ ಪ್ರಣಶ್ಯತಿ 9.31
 
09-32
मां हि पार्थ व्यपाश्रित्य   येऽपि स्युः पापयोनयः ।
स्त्रियो वैश्यास्तथा शूद्राः   तेऽपि यान्ति परां गतिम् ॥ ९-३ २
ಮಾಂ ಹಿ ಪಾರ್ಥ ವ್ಯಪಾಶ್ರಿತ್ಯ    ಯೇಪಿ ಸ್ಯುಃ ಪಾಪಯೋನಯಃ
ಸ್ತ್ರಿಯೋ ವೈಶ್ಯಾಸ್ತಥಾ ಶೂದ್ರಾಃ   ತೇಪಿ ಯಾನ್ತಿ ಪರಾಂ ಗತಿಮ್ 9.32
 
09-33
किं पुनर्ब्राह्मणाः पुण्याः   भक्ता राजर्षयस्तथा ।
अनित्यमसुखं लोकम्    इमम् प्राप्य भजस्व माम् ॥ ९-३ ३
ಕಿಂ ಪುನರ್ಬ್ರಾಹ್ಮಣಾಃ ಪುಣ್ಯಾಃ    ಭಕ್ತಾ ರಾಜರ್ಷಯಸ್ತಥಾ
ಅನಿತ್ಯಮಸುಖಂ ಲೋಕಮ್   ಇಮಮ್ ಪ್ರಾಪ್ಯ ಭಜಸ್ವ ಮಾಮ್ 9.33
 
09-34
मन्मना भव मद्भक्तः   मद्याजी मां नमस्कुरु ।
मामेवैष्यसि युक्त्वैवम्   आत्मानं मत्परायणः ॥ ९-३ ४
ಮನ್ಮನಾ ಭವ ಮದ್ಭಕ್ತಃ    ಮದ್ಯಾಜೀ ಮಾಂ ನಮಸ್ಕುರು
ಮಾಮೇವೈಷ್ಯಸಿ ಯುಕ್ತ್ವೈವಮ್   ಆತ್ಮಾನಂ ಮತ್ಪರಾಯಣಃ 9.34
 
 
ॐ तत्सदिति श्रीमद्भगवद्गीतासूपनिषत्सु ब्रह्मविद्यायां योगशास्त्रे
श्रीकृष्णार्जुनसंवादे राजविद्याराजगुह्ययोगो नाम नवमोऽध्यायः
ಓಂ ತತ್ಸದಿತಿ ಶ್ರೀಮದ್ಭಗವದ್ಗೀತಾಸು ಉಪನಿಷತ್ಸು ಬ್ರಹ್ಮವಿದ್ಯಾಯಾಂ ಯೋಗಶಾಸ್ತ್ರೇ
ಶ್ರೀಕ್ರಷ್ಣರ್ಜುನ ಸಂವಾದೆ ರಾಜವಿದ್ಯಾರಾಜಗುಹ್ಯ ಯೊಗೊ ನಾಮ ನವಮೋಧ್ಯಾಯಹಃ